पंढरपूर : आषाढी यात्रेच्या निमित्ताने 7 जुलै पासून श्री विठ्ठल रुक्मिणी मंदिरात 24 तास दर्शन सुरू राहणार आहे. 26 जुलै पर्यंत विठ्ठल रूक्मिणीचे (Pandharpur Vitthal Rukmini Temple) 24 तास दर्शन सुरू राहणार आहे. मुख्यमंत्री एकनाथ शिंदे सपत्नीक आषाढीची विठ्ठलाची शासकीय महापूजा करणार आहेत. त्यासाठी त्यांना लवकरच आषाढीचे (Ashadhi Ekadashi News) निमंत्रणही देण्यात येणार आहे. मुख्यमंत्र्यांसमवेत मानाच्या दांपत्याला ही पूजेचा मिळणार मान मिळणार असल्याची माहिती मंदिर समितीच्या वतीने देण्यात आलीय. मानाच्या पालख्यांच्या प्रतिनिधींना महापूजेसाठी निमंत्रित करण्याबाबत अजून कोणताही विचार नाही, असंही मंदिर समितीने स्पष्ट केलंय. मंदिर समितीचे सहअध्यक्ष गहिनीनाथ महाराज औसेकर यांनी 24 तास दर्शन सुरु ठेवण्याबद्दलती सविस्तर माहिती देताना नेमकं काय म्हटलं, तेच या व्हिडीओच्या माध्यमातून जाणून घेणार आहोत.