पंढरपुरातील चंद्रभागा नदीला महापूर आला आहे महापुरावर नियंत्रण ठेवण्यासाठी आपत्ती व्यवस्थापनाची रेस्क्यू टीम पंढरपूरमध्ये दाखल झाली आहे.उजनी व वीर धरणातून भीमा नदी पात्रात मोठ्या प्रमाणात विसर्ग सुरू आहे. सध्या पंढरपुरात चंद्रभागा नदीमध्ये एक लाख 70 हजार क्युसेक इतका विसर्ग सुरू आहे. नदीकाठच्या सकल भागामध्ये पुराचे पाणी शिरले आहे पाणी आल्याने जवळपास 300 हून अधिक कुटुंबांना व 700 ते 800 नागरिकांना सुरक्षित स्थळी घालवण्यात आले आहे. पंढरपूर शहरातील पूर परिस्थितीवर नियंत्रण ठेवण्यासाठी आपत्ती व्यवस्थापनाची टीम आता कार्यरत झाली आहे.