पालघर जिल्ह्यात कालपासून मुसळधार पावसाने जोरदार हजेरी लावली असून अनेक भागांतील जनजीवन विस्कळीत झालं आहे. विशेषता मनोर, विक्रमगड रस्त्यावरील पूल पाण्याखाली गेल्यामुळे हा मार्ग वाहतुकीसाठी बंद करण्यात आला आहे. तसेच पाचमाड परिसरातील रस्त्यावरही पाणी साचल्यामुळे वाहतूक ठप्प झाली आहे. वाहनचालकांना पर्यायी मार्गाचा वापर करण्याचा सल्ला प्रशासनाने दिला आहे.

काही ठिकाणी नाल्यांना पूर आल्यामुळे गावांचा संपर्क तुटल्याचीही माहिती समोर येत आहे.प्रशासनाने नागरिकांना सतर्कतेचा इशारा दिला असून नदी-नाल्यांच्या आसपास न जाण्याचे आवाहन केले आहे. हवामान विभागाकडून पुढील काही तास मुसळधार पावसाचा इशारा देण्यात आला आहे.