अभिजीत सोनवणे, साम टीव्ही

नाशिक: येथे बकरी ईदच्या नमाज पठणानंतर एक वादग्रस्त प्रकार घडला आहे. शहरातील ईदगाह मैदानावर नमाज अदा झाल्यानंतर पॅलेस्टाईनचा झेंडा फडकवण्यात आल्याची घटना समोर आली आहे. विशेष म्हणजे, या ठिकाणी नाशिक पोलिसांचा मोठा बंदोबस्त तैनात असतानाही हा प्रकार घडल्याने प्रशासनाची भूमिका आता प्रश्नांच्या भोवऱ्यात सापडली आहे.

नमाज पठणासाठी वरीष्ठ पोलीस अधिकारीही मैदानावर उपस्थित होते. त्यांनी नमाज पठणानंतर मुस्लिम बांधवांना ईदच्या शुभेच्छा दिल्या आणि काही वेळातच ते तेथून रवाना झाले. त्यानंतर काही नागरिकांनी मैदानात पॅलेस्टाईनचा झेंडा फडकवला,

या प्रकारामुळे प्रशासनात खळबळ उडाली असून पोलीस याबाबत अधिक तपास करत आहेत. दरम्यान नाशिककरांनी यावर तीव्र नाराजी व्यक्त केली असून, सार्वजनिक ठिकाणी विदेशी झेंडा फडकवण्याच्या प्रकारावर कायदेशीर कारवाईची मागणी केली आहे. याप्रकरणी अद्याप कोणतीही अधिकृत प्रतिक्रिया नाशिक पोलिसांकडून देण्यात आलेली नाही.