बीड जिल्ह्यात गेल्या 24 तासांपासून पाऊस सुरू असून मोठ्या प्रमाणात पूर आल्याने जनजीवन विस्कळीत झाले आहे. आष्टी तालुक्यातील कडा येथे अनेक जन हे नदीपात्राशेजारी अडकले होते. तसेच शेरीखुर्द येथील काहीजण पुरामध्ये अडकले होते. या लोकांना सुरक्षित बाहेर काढण्यासाठी प्रशासनाने तातडीने पावले उचलली. नाशिक येथून एनडीआरएफच्या पथकाला पाचारण करण्यात आले आणि या लोकांना सुरक्षित जागी हलवण्यासाठी हेलिकॉप्टर मागवण्यात आले. या हेलिकॉप्टरद्वारे 70 पेक्षा अधिक लोकांना रेस्क्यू करण्यात आले.मागच्या काही दिवसांपासून पडणाऱ्या या पावसामुळे बीड जिल्ह्यातील अनेक भागांमध्ये पुरस्थिति निर्माण झाली आहे.