विधानसभेत पावसाळी अधिवेशन सुरु आहे. यादरम्यान विरोधक आणि सत्ताधाऱ्यांमध्ये जुंपल्याची पाहायला मिळाली. अधिवेशनादरम्यान सीएम डीसीएम अनुपस्थित होते याच मुद्द्यावरुन विरोधक आक्रमक झाले आहेत. विरोधी पक्षनेते बोलतना किमान मुख्यमंत्री तरी उपस्थिती पाहिजे, दोन उपमुख्यमंत्री आहेत, एक तरी उपमुख्यमंत्री पाहिजे ना? असा सवाल भास्कर जाधव यांनी उपस्थित केला. ज्या खात्याची चर्चा आहे ते मंत्री उपस्थित पाहिजे असं विजय वड्डेटीवार म्हणाले. विरोधकांच्या आक्षेपानंतर अजित पवार विधानसभेत आले. यावर गिरीश महाजन यांनी जोरदार पलटवार केला आहे. जोपर्यंत मंत्री येत नाहीत तोपर्यंत सभागृह तहकूब करावे अशी मागणी जयंत पाटील यांनी केली आहे.