जुन्या पुणे मुंबई महामार्गावर टँकरमधून झालेल्या ऑइल गळतीमुळे जवळपास २२ दुचाकी वाहनांना घसरून अपघात झाल आहे. त्यामुळे जवळपास २२ जण जखमी झाले आहेत. जुन्या पुणे मुंबई महामार्गावरील नाशिक फाटा ते आकुर्डीपर्यंत जाणाऱ्या रस्त्यावर काल मध्यरात्री एका टँकरमधून मोठ्या प्रमाणात ऑइल गळती झाली. यामुळे महामार्गावरून जाणाऱ्या दुचाकी वाहनांना घसरून अपघात झाला आहे. या अपघातात जवळपास २२ जण जखमी झाले असून, जखमींवर खासगी रूग्णालयात उपचार सुरू आहेत.

या घटनेची माहिती मिळताच पिंपरी चिंचवड महापालिकेच्या अग्निशमन दलाने घटनास्थळी धाव घेतली. तसेच ऑइलवर वाळू आणि माती टाकून महामार्ग पुरवत करण्याचा प्रयत्न केला आहे.