विधानसभा निवडणुकीच्या तोंडावर मराठा आणि ओबीसी आरक्षणाच्या मुद्यावरुन राज्याचं राजकीय वातावरण चांगलंच तापलं आहे. मराठा आंदोलक मनोज जरांगे पाटील आणि ओबीसी आंदोलक लक्ष्मण हाके एकमेकांवर टीकेचा भडिमार करीत आहेत. मराठ्यांना ओबीसीतून आरक्षण देण्यास विरोध करणाऱ्यांना निवडणुकीत धडा शिकवणार, असा इशारा मनोज जरांगे यांनी दिली आहे.

तर मनोज जरांगे यांच्या आंदोलनाला रसद पुरवणाऱ्यांना विधानसभेत पाडणार, असा इशारा लक्ष्मण हाके यांनी दिला आहे. रोहित पवार, राजेश टोपे यांच्यासह 50 उमेदवारांची यादी तयार आहे असंही त्यांनी म्हटलं आहे. ओबीसी समाजात अनेक लोक राहतात, पण मुख्यमंत्री मराठा समाजाचेच का होतात. त्यांचा वेदना काय आहे, हाके दारू प्यायला म्हणून ओबीसी आरक्षण संपवायला निघाले का? असे अनेक सवालही हाके यांनी उपस्थित केले आहे. ते जालना येथे बोलत होते.