पुण्यातील कुख्यात गुंड बंडू आंदेकर (Bandu Andekar) याने आज पुणे महानगरपालिका निवडणुकीसाठी आपला उमेदवारी अर्ज दाखल केला. आयुष कोमकर (Ayush Komkar) प्रकरणात अटकेत असलेल्या आंदेकरांना पोलिसांनी काळ्या बुरख्यात (Black Hood) आणि दोरीने बांधून भवानी पेठ क्षेत्रीय कार्यालयात आणले होते. यावेळी आंदेकरांनी 'नेकी का काम, आंदेकर का नाम' अशा घोषणा दिल्या. बंडू आंदेकरसह त्यांची सून सोनाली आणि लक्ष्मी आंदेकर यांनीही अर्ज भरले आहेत. न्यायालयाने त्यांना पोलीस बंदोबस्तात अर्ज भरण्याची परवानगी दिली होती. गुन्हेगारी पार्श्वभूमी असूनही आंदेकरांच्या या शक्तीप्रदर्शनाची पुण्यात जोरदार चर्चा आहे.