धर्मांतरण करण्यासाठी गावागावात येणाऱ्यांना यापुढे ठोकून काढा, ठोकणाऱ्यांना यापुढे बैलगाडी शर्यती प्रमाणे दोन लाख, तीन लाख,पाच लाख रुपये आणि सैराट करणाऱ्यांना अकरा लाखाचं बक्षीस द्या,असे आवाहन भाजपा आमदार गोपीचंद पडळकर यांनी केले आहे,ते सांगली मध्ये बोलत होते. सांगलीच्या गुंडेवाडी येथील सात महिन्याची गर्भवती असणारी ऋतुजा राजगे हिने ख्रिश्चन धर्मांतराच्या छळाला कंटाळून आत्महत्या केल्याचा प्रकार घडला आहे,त्याच्या निषेधार्थ सांगलीमध्ये आमदार गोपीचंद पडळकर यांच्या नेतृत्वाखाली मशाल मोर्चा काढण्यात आला होता,या मोर्चाच्या सांगता सभेमध्ये बोलताना गोपीचंद पडळकर यांनी ख्रिश्चन धर्मांतरणाच्या मुद्द्यावरून आक्रमक भूमिका घेत. यापुढे धर्मांतरण खपवून घेतलं जाणार नाही,असा इशारा दिला आहे.