यवतमाळ : यवतमाळ-वाशिम लोकसभा मतदार संघात महायुतीच्या उमेदवार राजश्री पाटील यांच्या प्रसारासाठी सभा आयोजित करण्यात आली होती. त्यावेळी केंद्रीय मंत्री नितीन गडकरी यांच्यासह महायुतीचे इतरही नेते उपस्थित होते. या सभेत नितीन गडकरी हे भाषण करत होते. पण भाषण करताना अचानक त्यांना भोवळ आली आणि ते खाली पडत होते. यादरम्यान स्टेजवर उपस्थित असणाऱ्या कार्यकर्त्यांनी त्यांच्याकडे धाव घेतली आणि त्यांना मदत केली. आता नितीन गडकरी यांची प्रकृती स्थिर असल्याचं कळतंय. याआधीही नितीन गडकरी यांना उष्माघाताचा त्रास झालेल्याचं पाहायला मिळालेलं होतं. आता पुन्हा एकदा भर प्रचारसभेतच त्यांना भोवळ आल्यानंतर व्यासपीठावर एकच गोंधळ उडाला होता.