मनोज जरांगे पाटील यांनी काल बीडमध्ये मराठा आंदोलनाच्या पार्श्वभूमीवर सभा आयोजित केली होती. या सभेत मुख्यमंत्री देवेंद्र फडणवीस यांच्या आईविषयी अपशब्द वापरल्याचा आरोप भाजप नेत्यांकडून केला जात आहे. भाजपच्या अनेक नेत्यांनी या संदर्भात आपल्या सोशल मिडिया अकाऊंटवर पोस्ट करत आहे. या सगळ्या वादात आता भाजपचे आमदार नितेश राणे यांनी आपला एक व्हिडिओ पोस्ट करत जरांगे पाटील यांना जोरदार इशारा दिला आहे.

जे रक्ताने मराठा असतात ते कधीच कुणाच्या आईबद्दल अपशब्द वापरत नाहीत. ज्या छत्रपती शिवाजी महाराजांचा आपण आदर करतो, त्यांनीही कायम कोणाच्याही आई बहीणींचा आदर केला आहे. मनोज जरांगे पाटील यांनी मराठा आरक्षणासाठी लढाई लढावी. मात्र आमच्या देवेंद्र फडणवीस साहेबांच्या आईबद्दल अपशब्द उच्चारण्याची हिंमत कोणी करत असेल तर ती वळवळणारी जीभ हातात काढून देण्याचे सामर्थ्य आमच्यासारख्या 96 कुळी माराठ्यांमध्ये आहे. मनोज जरांगे यांनी लक्षात ठेवावे असा इशारा नितेश राणे यांनी दिला आहे.