भाजप खासदार निशिकांत दुबे यांनी मनसे अध्यक्ष राज ठाकरे यांच्याबद्दल केलेल्या वादग्रस्त विधानामुळे त्यांच्या अडचणी वाढल्या आहेत. 'राज ठाकरेंना पटक पटक के मारेंगे' या दुबेंच्या विधानामुळे मराठी माणसाचा अपमान झाल्याचा दावा करत मनसेचे नाशिक शहराध्यक्ष सुदाम कोंबडे यांनी न्यायालयात धाव घेतली आहे. या तक्रारीची दखल घेत नाशिक कोर्टाने पोलिसांना चौकशी करून अहवाल सादर करण्याचे आदेश दिले आहेत. 'आपल्या कंप्लेंटमध्ये काही तथ्य आहे का नाही हे चेक करण्यासाठी त्यांनी पोलिसांना इन्व्हेस्टिगेशनचे आदेश दिले आहेत,' असे या प्रकरणातील कायदेशीर प्रक्रियेबद्दल सांगण्यात आले. पोलीस अहवालानंतर न्यायालयीन कारवाईची पुढील दिशा ठरणार आहे.