मराठा आंदोलक मनोज जरांगे पाटील यांच्या उपोषणाचा आज 8 वा दिवस आहे. त्यांची प्रकृती खालावली आहे. मात्र अद्यापही ते उपचार घेण्यास नकार देत असल्याने आता मराठा आंदोलक आक्रमक झालेले दिसत आहेत. अंतरावली सराटी येथे उपोषणस्थळी जमलेल्या महिलांनी जरांगे यांनी उपचार घ्यावे म्हणून त्यांना विनंती करायला सुरुवात केली आहे. ''आम्हाला सरकारे दीड हजार नको, आम्ही जरांगेंच्या लाडक्या बहिणी आहे. आम्हाला आमचं आरक्षण या सरकारने द्यावं.'' अशा प्रकारच्या घोषणा यावेळी इथे उपस्थित महिलांकडून देण्यात आल्या आहेत.

मराठा समाजाला ओबीसी मधून आरक्षण मिळावे, आंदोलन काळातील आंदोलकावरील गुन्हे सरसकट मागे घ्यावे, यासह अन्य मागण्यांसाठी मनोज जरांगे यांच उपोषण सुरू आहे. जरांगेची प्रकृती काल रात्रीपासून खालावली असून रात्री डॉक्टरांकडून त्यांची तपासणी करण्यात आली. त्यानंतर त्यांना उपचार घेण्यास विनंती करण्यात आली मात्र मनोज जरांगे पाटील यांनी उपचार घेण्यापासून नकार दिला.