देशभरात नीट (NEET) परीक्षेच्या पेपर फुटी प्रकरणामुळे प्रचंड खळबळ उडाली असताना, आता आगामी 21 तारखेला होऊ घातलेल्या नीट परीक्षेसाठी प्रशासनाने कमालीची गुप्तता आणि खबरदारी घेण्यास सुरुवात केली आहे. याचाच एक भाग म्हणून आज अमरावती शहरात थेट मुंबईवरून हेलिकॉप्टरद्वारे नीट परीक्षेचे पेपर आणण्यात आले. पेपरच्या सुरक्षेसाठी आणि गोपनीयतेसाठी प्रशासनाने संपूर्ण ताकद पणाला लावल्याचे चित्र पाहायला मिळत आहे.

15 वाहनांचा ताफा अन् कडक पोलीस बंदोबस्त

हेलिकॉप्टरने पेपर अमरावतीत दाखल होताच, अत्यंत कडक पोलीस बंदोबस्तात आणि तब्बल 15 वाहनांच्या मोठ्या ताफ्यामध्ये हे पेपर अमरावती जिल्हा कोषागर भवनात पोहोचवण्यात आले. विमानतळापासून ते कोषागर भवनापर्यंतचा संपूर्ण मार्ग कडेकोट सुरक्षेखाली ठेवण्यात आला होता. मागील पेपरफुटीचा अनुभव लक्षात घेता यंदा स्थानिक पोलिसांसोबतच CISF जवान देखील तैनात करण्यात आले आहेत.