सातारा जिल्ह्यातील नीरा लोणंद परिसरात आज मराठा आरक्षण आंदोलनाच्या पार्श्वभूमीवर मोठा गोंधळ उडाला. ओबीसी नेते लक्ष्मण हाके आणि मराठा कार्यकर्ते समोरासमोर आले. लक्ष्मण हाके यांनी थेट रस्त्यावरच ठिय्या मांडत आंदोलन सुरू केले. यावेळी त्यांच्या विरोधात घोषणाबाजी झाल्याचा आरोप हाके यांनी केला. या संपूर्ण प्रकाराची माहिती मिळताच पोलिस तातडीने घटनास्थळी दाखल झाले असून परिस्थिती नियंत्रणात आणण्याचा प्रयत्न सुरू आहे. मराठा आरक्षणाच्या मुद्यावरून राज्यभरात असंतोष पेटला असताना नीरा लोणंदमध्ये घडलेल्या या प्रकारामुळे तणावाचे वातावरण निर्माण झाले आहे.