महाविकास आघाडीच्या अनेक नेत्यानी मत पडताळणीसाठी अर्ज केला असतानाच आता बारामतीतून युगेंद्र पवार यांनी देखील फेरमतमोजणीसाठी अर्ज केला असल्याचं सांगण्यात येत आहे. युगेंद्र पवार यांनी मतमोजणीवर आक्षेप घेतला आहे. बारामतीत अजित पवार यांनी युगेंद्र पवार यांचा पराभव केला. या पराभवानंतर युगेंद्र पवार यांनी फेरमतमोजणीसाठी अर्ज केला आहे.

अजित पवार यांच्या विरोधात बारामती विधानसभा मतदारसंघातून शरद पवार गटाकडून पुतणे युगेंद्र पवार हे निवडणूक लढवत होते. यात त्यांचा पराभव झाला. त्यानंतर आता मतमोजणी प्रक्रियेवर युगेंद्र पवार यांनी आक्षेप घेत फेरमतमोजणी अर्ज दाखल केला. आजपासून युगेंद्र पवार यांनी बारामती मतदारसंघात आभार दौरा सुरू केला आहे. त्यांनी सुरुवात बारामती तालुक्यातील काटेवाडी येथून केली. त्यावेळी त्यांनी याबद्दल माहिती दिली.

Edited By Rakhi Rajput