राष्ट्रवादी काँग्रेसच्या अध्यक्षा सुनेत्रा पवार आज दिल्ली येथे पोहोचल्या असून उद्या त्या NDAच्या नेत्यांची भेट घेणार असल्याची माहिती समोर आली आहे. तसेच केंद्रीय गृहमंत्री अमित शहा यांचीही त्या भेट घेणार असल्याचे समजते. मात्र, या भेटीमागचे नेमके कारण अद्याप स्पष्ट झालेले नाही. दरम्यान, अजित पवार यांच्या अपघाती निधनानंतर राज्यातील राजकीय समीकरणांमध्ये बदल झाला आहे. अर्थखाते सध्या मुख्यमंत्री देवेंद्र फडणवीस यांनी स्वतःकडे ठेवले असून, हे खाते महायुतीच्या वाटपात राष्ट्रवादी काँग्रेसच्या वाट्याला आलेले असल्याने यावर चर्चा होण्याची शक्यता आहे. तसेच, अजित पवार यांच्या निधनामुळे रिक्त झालेल्या बारामती विधानसभा पोट निवडणूक सुनेत्रा पवार लढणार आहेत. बारामती पोटनिवडणूक बिनविरोध करण्यासाठी सुनेत्रा पवारांचा प्रयत्न असल्याचे बोलले जात आहे. काँग्रेस अध्यक्ष मल्लिकार्जुन खरगे यांची देखील भेट घेणार असल्याची माहिती आहे.