अजित पवार ही पाकीटमारांची टोळी असल्याचा आरोप शरद पवार गटाचे आमदार जितेंद्र आव्हाड यांनी केला आहे. मुंब्रा येथील आयोजित कार्यक्रमात बोलताना त्यांनी महायुती सरकार आणि अजित पवार यांच्या राष्ट्रवादी गटावर निशाणा साधत जोरदार टीका केली.

विधानसभा निवडणुकीच्या रणधुमाळीत सध्या प्रचार सभांना जोर आला असून यात विरोधकांवर आरीप प्रत्यारोपांचा सिलसिला सुरू आहे. मुंब्रा येथील कार्यक्रमात जितेंद्र आव्हाड यांनी देखील विरोधकांवर टीकास्त्र डागलं आहे. 'राष्ट्रवादी काँग्रेस हा मूळचा पक्ष शरद पवार यांचा होता. त्यांच्याकडून घड्याळ हिसकावून घेतले. अजित पवार ही पाकीटमारांची टोळी आहे.' अशी टीका शरद पवार गटाचे आमदार जितेंद्र आव्हाड यांनी मुंब्रा येथे केला आहे. शरद पवार यांना कॅन्सर असून देखील राज्यात बदल घडविण्यासाठी फिरत असल्याचं देखील आव्हाड यांनी म्हंटलं आहे. ते मोदी आणि शहा यांचा बरोबर गेले नाहीत, त्यांनी सांगितलं होतं की या युवांमधून नवीन शरद पवार तयार करेल, यालच हिम्मत बोलतात, असंही आव्हाड यांनी म्हंटलं आहे.

Edited By Rakhi Rajput