राष्ट्रवादी काँग्रेस पक्ष हा काँग्रेस पक्षात विलीन होऊ शकतो असे सुतोवाच शरद पवार यांनी दिले आहे. इंडियन एक्सप्रेसशी बोलताना पवार यांनी मोठं भाकीत केले आहे. साताऱ्यात सभा झाल्यानंतर पवार म्हणाले की अनेक नेते आणि पक्ष आपले मतभेद विसरून 1977 साली एकत्र आले होते आणि त्यांनी जनता पक्षाची स्थापना केली. आताही नरेंद्र मोदींविरोधात जनभावना आहे. त्यामुळे अनेक प्रादेशिक पक्ष हे काँग्रेससोबत जाऊ शकतात तर काही काँग्रेसमध्ये विलीन होऊ शकतात असे सूचक विधान शरद पवार यांनी केले आहे.