लोकसभेत झालेल्या पराभवानंतर खासदार नवनीत राणा पहिल्यांदाच माध्यमांसमोर आल्या. पाच वर्षांपूर्वी जनतेने अमरावतीचं प्रतिनिधित्व करण्यासाठी मला दिल्लीत पाठवलं होतं. मात्र, यंदा मला त्यांनी का थांबवलं? हे मला अजूनही समजलेलं नाही. पण हा पराभव म्हणजे शेवट नाही. गेल्या पाच वर्षांत मी प्रमाणिकपणे काम केलं आहे. काही लोक मैदान जिंकण्यासाठी येतात, तर काही लोक दुसऱ्यांना पराभूत करण्यासाठी येतात, असं म्हणत नवनीत राणांनी बच्चू कडू यांच्यावर खोचक टीका केली आहे.