Navi Mumbai 10 percent water cut latest news : नवी मुंबई शहरामध्ये प्रशासनाकडून पाणीकपातीचे धोरण अवलंबले जात होते. मात्र, प्रशासनाचा हा निर्णय फेटाळत राज्याचे मंत्री गणेश नाईक यांनी नवी मुंबईकरांना २४ तास पाणी दिले जाईल आणि शहरात कोणतीही पाणीकपात केली जाणार नाही, अशी ठाम भूमिका मांडली आहे.

"नवी मुंबई महानगरपालिका आयुक्त म्हणजेच नवी मुंबई महानगरपालिका नव्हे, तर महासभा म्हणजेच नवी मुंबई महानगरपालिका," अशा शब्दांत गणेश नाईक यांनी प्रशासनावर निशाणा साधला. नवी मुंबईचे स्वतःचे धरण असताना, कोणतीही पूर्वकल्पना न देता किंवा लोकप्रतिनिधी व जनतेची संमती न घेताच इतर शहरांना पाणी देण्याच्या निर्णयावर त्यांनी यावेळी तीव्र आक्षेप नोंदवला.