नवी मुंबईतील बेलापूर येथील सिडको कार्यालयाबाहेर रात्री साडेआठच्या सुमारास सौरभ तिवारी यांच्याकडे ५ हजार रुपयांची लाच मागितल्याचा गंभीर आरोप करण्यात आला आहे. या कथित घटनेचा व्हिडिओ सध्या सोशल मीडियावर मोठ्या प्रमाणावर व्हायरल होत आहे.

'ड्रिंक अँड ड्राइव्ह' (Drink and Drive) कारवाईच्या नावाखाली वाशी, बेलापूर आणि पाम बीच परिसरात मोठ्या प्रमाणात बेकायदा वसुली केली जात असल्याचा आरोपही नागरिकांकडून होत आहे. या प्रकारामुळे वाहतूक विभागातील वरिष्ठ अधिकाऱ्यांच्या कार्यपद्धतीवरही गंभीर प्रश्नचिन्ह उपस्थित केले जात आहेत.

या प्रकरणाची निष्पक्ष चौकशी करून संबंधितांवर कठोर कारवाई होणार का, याकडे आता सर्वांचे लक्ष लागले आहे. मात्र, व्हायरल झालेल्या व्हिडिओमधील आरोपांची अद्याप अधिकृत पुष्टी झालेली नाही.