नवी मुंबई आंतरराष्ट्रीय विमानतळाचं उद्घाटन ३० सप्टेंबर रोजी पंतप्रधान नरेंद्र मोदी यांच्या हस्ते होणार आहे. या पार्श्वभूमीवर सुरक्षा व्यवस्थेसाठी केंद्रीय औद्योगिक सुरक्षा दलाकडून (CISF) सुमारे ४५० जवान व कमांडंट्स तैनात करण्याची प्रक्रिया सुरू करण्यात आली आहे. उद्घाटनानंतर पहिल्या उड्डाणाचा मान इंडिगो आणि अकासा एअर या दोन विमान कंपन्यांना मिळणार आहे. पहिल्या टप्प्यात देशांतर्गत प्रवासी सेवांना सुरुवात होणार असून, त्यानंतर टप्प्याटप्प्याने आंतरराष्ट्रीय व मालवाहतूक सेवा सुरू करण्याची माहिती सूत्रांनी दिली आहे. नवी मुंबई विमानतळ कार्यान्वित झाल्यानंतर मुंबई विमानतळावरील ताण मोठ्या प्रमाणात कमी होईल, अशी अपेक्षा वर्तवली जात आहे.