नवी मुंबई महानगर पालिकेच्या निवडणुकीसाठी भाजपने कंबर कसली आहे. नवी मुंबई महानगरपालिका भाजप स्वबळावर लढणार असल्याची शक्यता वर्तवण्यात येत आहे. नवी मुंबईमध्ये भाजपचाच महापौर बसवू आणि ७० हून अधिक जागा जिंकू असा शब्द वनमंत्री गणेश नाईक यांनी मुख्यमंत्री देवेंद्र फडणवीस आणि प्रदेशाध्यक्ष रवींद्र चव्हाण यांना दिला आहे. यासंदर्भात भाजपची महत्वाची बैठक होणार आहे.

नवी मुंबई महानगरपालिका भाजप स्वबळावर लढणार असून गणेश नाईक यांनी भाजपच्या नेतृत्वाला भाजपचा महापौर होईल असा शब्द दिला आहे. त्याचसोबत भाजप स्वबळावर लढावे अशी भूमिका गणेश नाईक यांनी व्यक्त केली आहे. त्यामुळे ७० पेक्षा अधिक नगरसेवक आपण निवडून आणू अशी भूमिका गणेश नाईकांकडून व्यक्त केली जात आहे. रवींद्र चव्हाण आणि भाजप निवडणूक प्रमुख माजी खासदार संजीव नाईक यांच्यात बैठक होणार या बैठकीत अंतिम निर्णय घेतला जाणार आहे.