नाशिकमध्ये सध्या कुंभमेळ्याची तयारी सुरू आहे. राज्य सरकारमधील नेते नाशिकमध्ये भेट देऊन आढावा घेत आहे. दरम्यान, कुंभ मेळ्यासाठी तपोवनमधील १८०० झाडांची कत्तल करण्यात येणार असल्याची माहिती समोर आली आहे. यामुळे नाशिककर आणि पर्यावरण प्रेमी आक्रमक झाले असून, स्थानिक रहिवाशांनीही याचा कडाडून विरोध केला.

दरम्यान, तपोवनमधून एक वेगळाच धक्कादायक प्रकार समोर आला आहे. तपोवनातील झाडांवर जादूटोण्याचा प्रकार केला आहे का? असा प्रश्न निर्माण झाला आहे. कारण झाडांवर अरेबियन भाषेत लिहिलेल्या अनेक चिठ्ठ्या आढळल्या आहेत. या प्रकरणामुळे आंदोलन अधिक चिघळण्याची शक्यता आहे.