नाशिकच्या सिन्नरच्या नायगाव परिसरात गावगुंडांनी दहशत निर्माण केली असून, एका दुकानदाराला मारहाण करत ५० हजार रुपयांच्या खंडणीची मागणी केली आहे. आरोपीने पीडित दुकानदाराला 'पन्नास हजार रुपये देनं नाहीतर दुकान पेटवून देईल' अशी धमकी दिली. या घटनेमुळे परिसरात भीतीचे वातावरण पसरले आहे. पीडित दुकानदाराने दिलेल्या तक्रारीनुसार, सिन्नर एमआयडीसी पोलिसांनी खंडणी आणि जिवे मारण्याची धमकी दिल्याप्रकरणी गुन्हा दाखल केला आहे. सध्या आरोपी फरार असून, पोलीस त्याचा शोध घेत आहेत. परिसरातील नागरिक याप्रकरणी तातडीने कारवाई करण्याची मागणी करत आहेत.