नाशिक येथे रविवार कारंजा परिसरात एक धक्कादायक घटना घडली, या ठिकाणी एका रिक्षाचालकाने दुचाकीवरून जात असलेल्या युवतीवर हल्ला केला. पीडित युवती आपल्या दुचाकीला रिक्षाचालकाने कट मारल्यानंतर त्याबाबत विचारणा केली असता रिक्षाचालकाने तिला शिवीगाळ करत मारहाण केली. घटनेनंतर सरकारवाडा पोलिसांनी तातडीने कारवाई करत संशयित रिक्षाचालकाच्या मुसक्या आवळल्या आहेत. या प्रकरणी सरकारवाडा पोलीस ठाण्यात आरोपीविरुद्ध गुन्हा नोंदवण्यात आला आहे.

या घटनेने परिसरातील नागरिकांमध्ये भीतीचे वातावरण निर्माण झाले असून मुजोर रिक्षा चालकांवर कडक कारवाई करण्याची मागणी नाशिककर करत आहे.