नाशिक जिल्ह्यातील इगतपुरी तालुक्यात मुसळधार पाऊस सुरु आहे. त्यामुळे भाम धरण परिसरातील नागरिकांच्या घरामध्ये पाणी शिरलं आहे. रात्री उशिरा पावसामुळे दरेवाडीच्या नागरिकांना सुरक्षित ठिकाणी हलवण्यात आले असून दिवसभर नागरिकांना पाण्यात राहावे लागले. प्रशासनाला उशिरा जाग आल्याचा आरोप नागरिकांकडून करण्यात येत आहे. भाम धरण परिसरातील नागरिकांना आश्रमशाळेत स्थलांतरित करण्यात आले असून प्रशासनाच्या कारभारावर नागरिकांकडून नाराजी व्यक्त केली जात आहे.