सध्या राज्यात मराठी विरुद्ध परप्रांतीय वाद सुरू असताना आता नाशिकमधून एका परप्रांतीयाचा अत्यंत घृणास्पद प्रकार समोर आला आहे. मात्र त्याला मनसैनिकांनी बेदम हाणला. नाशिकच्या पंचवटी भागातील एका सोसायटीमध्ये राहणाऱ्या मराठी महिलेला आणि तिच्या कुटुंबीयांना मारण्याच्या धमकी देत होता. फ्लॅट मला विका नाहीतर मी तुमचं जगणं मुश्किल करेल अशी धमकी तो परप्रांतीय देत होता.

तो इथेच न थांबता फ्लॅटसमोर लघुशंका करायाचा, अंतरवस्त्र, बनियनवर फ्लॅट समोर फिरून अश्लील चाळे करायचा. काही दिवसांपूर्वी गळ्यातील ओढणी हिसकावून मारण्याचाही त्याने प्रयत्न केला. या तरुणाच्या त्रासाला कंटाळून मराठी भगिनीने मनसे महिला शहराध्यक्ष सौ अक्षरताई घोडके तसेच मनसे प्रदेश सरचिटणीस दिनकर आण्णा पाटील, शहराध्यक्ष सुदाम कोंबडे पंचवटी विभाग अध्यक्ष योगेश दाभाडे यांना फोन करून सर्व हकीकत सांगितली. त्यानंतर मनसैनिकांनी आपल्या स्टाईलमध्ये त्याला बेदम चोप देऊन पोलिसांच्या ताब्यात दिले .