नाशिकच्या लासलगाव बाजार समितीत राज्य कांदा उत्पादक संघटनेतर्फे लिलाव बंद पाडत आंदोलन करण्यात आलं आहे. कांद्याच्या भावात मोठी घसरण होत असल्याने निर्यात शुल्क रद्द करण्याची मागणी देखील करण्यात आली आहे. याच सगळ्या मागण्यांसाठी आंदोलन देखील पुकारण्यात आलं आहे.

कांद्याचे भाव सातत्याने घसरत आहेत. त्यामुळे कांदा उत्पादक शेतकरी आर्थिक संकटात सापडलेले आहेत. कांद्यावरील निर्यात शुल्क रद्द करण्याची मागणी गेल्या काही दिवसांपासून कांदा उत्पादक करत आहेत. त्याच अनुषंगाने आज भावातील घसरण बघता नाशिक जिल्ह्यातील लासलगाव येथे बाजार समितीत सुरू असलेला कांद्याचा लिलाव बंद पाडण्यात आला आहे. राज्य कांदा उत्पादक संघटनेने लिलाव बंद पाडत आंदोलन देखील केले. यावेळी कांद्यावरील निर्यात शुल्क रद्द करण्याच्या मागणीसह इतर मागण्या करण्यात आल्या आहेत.