नाशिक : नाशिकमधून छगन भुजबळ यांनी लोकसभा निवडणुकीतून माघार घेतली आहे. पत्रकार परिषद घेत त्यांनी ही मोठी घोषणा केली. नाशिकच्या जागेसाठी (Nashik Lok Sabha Election 2024) राष्ट्रवादी काँग्रेस अजित पवार यांचा पक्ष, छगन भुजबळ (Chhagan Bhujbal News Today) हेही आग्रही होते. तर शिवसेनाही नाशिकच्या जागेसाठी आग्रही होती. दरम्यान, अखेर भुजबळांनी पत्रकार परिषद घेत आपली भूमिका स्पष्ट केली आहे. ज्यांनी ज्यांनी पाठिंबा दिला, त्यांचे आभारही छगन भुजबळ यांनी यावेळी मानले. महायुतीच्या उमेदवाराचा आपण प्रचार करणार असल्याचंही वक्तव्य भुजबळांनी यावेळी केलं. इतकंच काय, तर नाशिकच्या जागेबाबत लवकरात लवकरच निर्णय घ्यायला हवं, असंही वक्तव्य भुजबळांनी केलं.