नाशिक मध्ये आज हिंदुत्ववादी संघटनांकडून जिल्हा बंदची हाक देण्यात आली आहे. नाशिक शहरात सकाळपासून या बंदला उत्स्फूर्त असा प्रतिसाद मिळतोय. बांगलादेशमध्ये हिंदूंवर होत असलेल्या अत्याचाराच्या निषेधार्थ हा बंद पुकारण्यात आलाय. दुकान आणि बाजारपेठा बंद ठेवून शहरातील दुकानदार आणि व्यापारी या बंदमध्ये सहभागी झालेत.

बांगलादेशात सध्या अराजक्ता पसरली असून , बांगलादेेशच्या पंतप्रधान शेख हसीना या भारताच्या आश्रयाला आल्या आहेत. बांगलादेशात अस्थिरता आहे. दरम्यान बांगलादेशात राहणाऱ्या हिंदूंवर अत्याचार होत आहेत. याच पार्श्वभूमीवर आज नाशिक जिल्ह्यात बंद पुकारण्यात आलाय.नाशिकच्या मुख्य बाजारपेठेतून या संदर्भातला आढावा घेतला आहे साम टीव्हीचे प्रतिनिधी अभिजीत सोनवणे यांनी.