नाशिक : एसटी आणि बाईकच्या अपघातात दोघांच मृत्यू झालाय. मुंबई आग्रा महामार्गावर हा भीषण अपघात घडलाय. या अपघातानंतर महामार्गावरली वाहतूक विस्कळीत झाली. दरम्यान, अपघातामध्ये मृत्यू झालेल्यांमध्ये एका विद्यार्थीनीचा समावेश आहे. तर काही जण गंभीर जखमी झाल्याचं कळतंय. या अपघातानंतर पोलिसांनी घटनास्थळी धाव घेत वाहतूक पूर्ववत करण्याचे प्रयत्न केलेत. मुंगासे गावाजवळ हा अपघात घडला. या अपघातात एसटी बस आणि दुचाकीची धडक इतकी भीषण होती, यात दुचाकीस्वारांचा जागीच जीव गेलाय. या अपघातामुळे मृतांच्या कुटुंबीयांवर दुःखाचा डोंगर कोसळलाय.