आता अनेक महीने वाट बघण्याची गरज नाही; 1 ते 3 दिवसांत मिळणार पासपोर्ट; पण ‘ही’ अट महत्त्वाची

अचानक एखाद्या महत्वाच्या कामासाठी परदेशात जाण्याची वेळ आली आणि तुमच्याकडे पासपोर्ट नसेल, तर घाबरण्याची गरज नाही. अशा परिस्थितीत तात्काळ पासपोर्ट सेवेमुळे कमी कालावधीत पासपोर्ट मिळवण्याची सुविधा उपलबद्ध आहे. या सेवेमुळे पात्र अर्जदारांना साधारणपणे 1 ते 3 दिवसांत पासपोर्ट मिळू शकतो. मात्र तात्काळ पासपोर्टसाठी अर्ज करताना आवश्यक कागदपत्रे आणि पात्रतेच्या अटी पूर्ण करणे महत्वाचे आहे. त्यामुळे शेवटच्या क्षणी अर्ज नाकारला जाऊ नये, यासाठी आवश्यक कागदपत्रे आधीच तयार ठेवणे गरजेचे आहे.

किती दिवसांत मिळतो पासपोर्ट?

तात्काळ पासपोर्ट सेवेद्वारे 1 ते 3 दिवसांत पासपोर्ट मिळण्याची सुविधा उपलब्ध आहे. अचानक परदेशात जाण्याची गरज निर्माण झाल्यास ही सेवा उपयोगी ठरू शकते. सामान्य पासपोर्टसाठी तुलनेने जास्त वेळ लागू शकतो आणि त्यासाठी शुल्क कमी असते. मात्र तात्काळ पासपोर्टसाठी शुल्कात सुमारे 2 हजार रुपयांपर्यंत फरक असू शकतो.

कोणती कागदपत्रे आवश्यक?

तात्काळ पासपोर्टसाठी अर्ज करताना योग्य कागदपत्रे सादर करणे अत्यंत महत्त्वाचे आहे. आवश्यक कागदपत्रे उपलब्ध नसल्यास किंवा अर्जातील माहिती आणि कागदपत्रांमध्ये विसंगती आढळल्यास अर्जाच्या प्रक्रियेत अडथळा येऊ शकतो. त्यामुळे अर्ज करण्यापूर्वी आवश्यक असलेली ओळख, पत्ता आणि इतर संबंधित कागदपत्रे तयार ठेवणे गरजेचे आहे. तात्काळ पासपोर्टची प्रत्यक्ष प्रक्रिया, शुल्क, पात्रता आणि आवश्यक कागदपत्रांची यादी अर्जाच्या प्रकारानुसार बदलू शकते. अर्ज करण्यापूर्वी अधिकृत पासपोर्ट सेवा पोर्टलवरील अद्ययावत नियम तपासणे योग्य ठरेल.