पुणे जिल्ह्यातील नसरापूर अत्याचार प्रकरणातील आरोपीचा पहिला फोटो समोर आला आहे. ६५ वर्षांच्या आरोपीने चार वर्षांच्या चिमुकलीवर लैंगिक अत्याचार करून तिची हत्या केली. आरोपीला ७ मे पर्यंत पोलिस कोठडी सुनावण्यात आली आहे. आज पुणे सत्र न्यायालयासमोर सुनावणी पार पडली. आरोपीला कोर्टातून नेताना गावकरी संतप्त झाले होते. यावेळी त्यांनी आरोपीला फाशीची शिक्षा देण्याची मागणी केली. आरोपीने याआधी देखील अशाच प्रकारचे गुन्हे केले होते त्याप्रकरणी तो तुरुंगवासाची शिक्षा देखील भोगून आला होता.

पीडित चिमुकली आजोळी आजीकडे आली होती. त्यावेळी आरोपीने चार वर्षांच्या चिमुकलीला वासरू दाखवतो सांगत गोठ्यात नेले. त्याठिकाणी आरोपीने तिच्यावर लैंगिक अत्याचार केले. आरोरी ऐवढ्यावर थांबला नाही तर त्याने तिची हत्या केली. घटनेविषयी कुणाला कळू नये यासाठी त्याने तिचा मृतदेह गोठ्यात शेणाच्या ढिगाऱ्याखाली लपवून ठेवला होता. आरोपी चिमुकलीला गोठ्याच्या दिशेने घेऊन जात असल्याचे सीसीटीव्हीत कैद झालं होतं.