ठाणे: नीलम गोऱ्हेंनी उद्धव ठाकरेंवर खळबळजनक आरोप केल्यानंतर राज्यातलं राजकारण चांगलंच तापल्याच पाहायला मिळत आहे. मात्र याच नीलम गोऱ्हेंवर टीका करताना ठाकरे गटाचे खासदार संजय राऊतांची जीभ घसरलीय. नीलम गोऱ्हे या विश्वासघातकी असल्याचा आरोप संजय राऊतांनी केला होता.तसेच नीलम गोऱ्हे यांच्याबद्दल बोलतांना संजय राऊतांनी वादग्रस्त विधान केले आहे. तर लक्षवेधी घ्यायला आणि पुण्यातल्या उमेदवारीसाठी किती पैसे घेतले असा सवालही राऊतांनी गोऱ्हेंना केलाय. यावरच शिंदेच्या शिवसेनेचे ठाण्याचे खासदार नरेश म्हस्के यांनी संजय राऊत यांची बुद्धी भ्रष्ट झाली आहे. तर आपली बाजू ही चुकीच्या पद्धतीने समोर येत आहे. अशा प्रकारची भाषा वापरणे संजय राऊत यांना शोभत नाही. त्यांना भर रस्त्यात जोड्याने हाणले पाहिजे असा घणघात नरेश म्हस्के यांनी केला आहे.

Edited By Omkar Sonawane