Shreya Maskar
कैरीचा मेथांबा हा उन्हाळ्यात बनवला जाणारा पदार्थ आहे. याची चव आंबट-गोड-तिखट आहे. जेवताना तोंडी लावण्यासाठी कैरीचा मेथांबा उत्तम पदार्थ आहे.
कैरीचा मेथांबा बनवण्यासाठी कैरी, तेल, मोहरी, हिंग, हळद, तिखट, मीठ , गूळ आणि मेथी इत्यादी साहित्या लागते.
कैरीचा मेथांबा बनवण्यासाठी सर्वप्रथम कैरीची साले काढून बारीक फोडी करून घ्या.
पॅनमध्ये तेल टाकून त्यात मोहरी, हिंग, हळद चांगले तडतडू द्या. त्यानंतर फोडणीत मेथी, तिखट घालून परतून घ्या.
त्यानंतर कैरीचे काप फोडणीत घालून मीठ टाकून चांगले एकजीव करून घ्या. गॅस कमी आचेवर ठेवून द्या.
आता मिश्रणात पाणी आणि गूळ घालून मिश्रण ८-९ मिनिटांसाठी छान शिजवून घ्या. गूळ सतत ढवळत रहा, त्याच्या गुठळ्या होणार नाही याची काळजी घ्या.
आंबट-गोड-तिखट कैरीचा मेथांबा तयार झाला आहे. गरमागरम चपातीसोबत कैरीचा मेथांब्याचा आस्वाद घ्या.
कच्च्या कैऱ्या आधी तेलात आणि मसाल्यात चांगली वाफवून मऊ शिजवणे आणि त्यानंतरच गूळ घालणे.