Shreya Maskar
मसाला डाळ बनवण्यासाठी चणा डाळ, कढीपत्ता, चवीनुसार मीठ, काळं मीठ, सायट्रिक ॲसिड, साखर, हळद, लाल तिखट इत्यादी साहित्य लागते.
मसाला डाळ बनवण्यासाठी चणा डाळ स्वच्छ पाण्याने धुवून 1 ते 2 तास भिजत ठेवा. जर वेळ कमी असेल तर गरम पाण्यात 30 मिनिटे भिजवली तरी चालते.
भिजवलेली डाळ कुकरमध्ये शिजवून घ्या. यात हळद आणि थोडे मीठ घाला. कुकरच्या 2-3 शिट्ट्या काढा. डाळ चांगली दाणेदार राहिली तरच मसाला डाळ खायला जास्त छान लागते.
आता शिजलेली डाळ एका ताटात काढून कडक उन्हात वाळवा. १-२ दिवसांत डाळ चांगली कोरडी होते.
त्यानंतर एका ताटात डाळ घेऊन त्यात चिमूटभर काळं मीठ, सायट्रिक ॲसिड, साखर, हळद, लाल तिखट घालून चांगले मिक्स करा.
मसाला डाळीला हलका तडका देण्यासाठी पॅनमध्ये तेल गरम करून त्यात कढीपत्ता, लाल तिखट घालून चांगले तडतडू द्या.
आता तडक्यात चणा डाळ मिक्स करा. त्यानंतर हलके मीठ टाकून मिक्स करा. पुन्हा एकदा छान परतून घ्या.
मसाला डाळ अधिक काळ चांगली ठेवण्यासाठी ती काचेच्या बरणीत स्टोर करा. लहान मुलांना छोटी भूक लागली तर ही चटपटीत डाळ नक्की द्या.