पहलगाम येथील दहशतवादी हल्ल्यानंतर संपूर्ण देशात संतापाची लाट उसळली आहे. या हल्ल्यावर जगद्गुरु शंकराचार्य ज्योतिष्पीठाधीश्वर स्वामी अविमुक्तेश्वरानंद सरस्वती यांनी मोदी सरकारवर निशाणा साधला आहे. ते म्हणाले, सर्वात मोठी अडचण ही आहे की जेव्हा आपल्या घरात जर काही घटना घडली तर आपण सर्वात अगोदर कोणाला पकडणार? सर्वात आधी चौकीदाराला पकडू, त्याला विचारू तू कुठे होता? ही घटना घडली कशी? पण येथे तर असे काहीच घडत नाहीये. अशी घणाघाती टीका शंकराचार्यांनी केली.

पुढे ते म्हणाले, चौकीदारांविषयी कुठेच काही चर्चा होत नाहीये. ते बोलत आहे की, ते पाकिस्तानला धडा शिकवतील. पण दहशतवादी पाकिस्तानमधून आले होते की नाही, हे इतक्या लवकर कसे माहीत झाले? हे तुम्हाला हल्ला घडण्यापूर्वी का नाही समजले? जर दहशतवादी पाकिस्तानातून आले असतील तर त्यांच्यावर कडक कारवाई झालीच पाहिजे असे शंकराचार्य म्हणाले.

यावरच भाजपचे खासदार नारायण राणे यांनी शंकराचार्यांवर पलटवार केला आहे. मी आदर करतो शंकराचार्यांचा ते आमचे धर्मगुरू आहे. देशातील प्रमुखांनी जर देशाच्या सौरक्षणासाठी कोणता निर्णय घेतला तर त्यावर कोणीही भाष्य करू नये देशहिताच्या निर्णयावर बोलू नये तो तुमचा अधिकार नाही असे प्रत्युत्तर नारायणे राणे यांनी शंकराचार्यांना दिले.