नंदुरबार: अक्कलकुवा तालुक्यातील वेहगी गावाचा मुख्य रस्ता हा नदी नाल्यातून जातो.पावसाळ्यात या नदीला पूर येतो.त्यामुळे या गावातील नागरिकांना पाण्यातून वाट काढताना मोठी कसरत करावी लागते. रस्ता नसल्याने नागरिकांना मोठ्या समस्यांना सामोरे जावं लागत आहे. वेहगी गावात लग्न असल्यानं नवरदेवाला आणि नवरीला चक्क खांद्यावर घेऊन ग्रामस्थ या नदीतून जीवघेणा प्रवास करत आहेत. या दुर्गम भागामध्ये सोयी सुविधा कधी उपलब्ध होणार आहेत असा सवाल या ग्रामस्थांनी विचारला आहे.