सागर निकवाडे, साम टीव्ही

नंदुरबार शहरातील पटेलवाडी परिसरात महिलेच्या छेडछाडीच्या आणि अनैतिक संबंधांच्या संशयावरून 10 ते 12 जणांच्या जमावाने एका घरावर भीषण हल्ला केला. अज्ञात हल्लेखोरांनी एका इसमाचा घराची आणि दुकानाची तोडफोड करत घरासमोरील दुचाकी जाळून टाकली. या घटनेने परिसरात तीव्र खळबळ उडाली आहे. घटनेची माहिती मिळताच जिल्हा पोलीस अधीक्षक अश्विनी सानप यांच्या मार्गदर्शनाखाली शहर व उपनगर पोलीस ठाण्याच्या पथकांनी घटनास्थळी धाव घेतली. पोलिसांनी मोठा बंदोबस्त तैनात केल्याने सध्या परिसरातील परिस्थिती नियंत्रणात आहे.याप्रकरणी गुन्हा दाखल करण्याची प्रक्रिया सुरू असून फरार हल्लेखोरांच्या शोधासाठी पोलिसांचे पथक रवाना करण्यात आले आहे.