छत्रपती संभाजीनगर जिल्ह्यातील सोयगाव तालुक्यातील नांदगाव येथे शुक्रवारी एक धक्कादायक घटना घडली आहे. बैल धुण्यासाठी तलावात उतरलेल्या तिघांपैकी दोन चुलत भावांचा पाण्यात बुडून दुर्दैवी मृत्यू झाला, तर एकाला 17 वर्षीय तरुणीने वाचविले.

मृत्यू झालेल्यांची नावे अखिल पठाण आणि अहियान पठाण अशी असून त्यांची मृतदेह शवविच्छेदनासाठी पाचोरा ग्रामीण रुग्णालयात दाखल केले आहेत.

मिळालेल्या माहितीनुसार शुक्रवारी सकाळी तीन तरुण बैल धुण्यासाठी गावातील तलावात उतरले होते. पाण्याचा अंदाज न आल्यामुळे अखिल आणि अहियान यांचा बुडून मृत्यू झाला आणि तिसऱ्या तरुणाला तिथे असलेल्या एका 17 वर्षीय तरुणीने पाण्यात उतरून त्याचा जीव वाचवला. या दुर्दैवी घटनेमुळे संपूर्ण नांदगावात शोककळा पसरली आहे. याबाबतचा पोलीस अधिकचा तपास करत आहे.