नांदेड जिल्ह्यातील कंधार तालुक्यातील हाळदा गावात ग्रामसभा सुरू असताना दोन गट एकमेकांत भिडले आणि पाहता पाहता चांगलीच हाणामारी देखील झाली. ग्रामसभेत झालेल्या या गोंधळात दोन्ही गटांमध्ये चांगलीच मारामारी झाली असून, चार जण जखमी झाल्याची माहिती समोर आली आहे. काही सुज्ञ गावकऱ्यांनी दोन्ही गटाला शांत करण्याचा प्रयत्न केला. मात्र दोन्ही गट ऐकण्याच्या मनस्थितीत नव्हते.ग्रामपंचायतीच्या निवडणुका आता जवळ आल्याने गावागावात वादविवाद वाढले असून त्यातून हाणामारी होण्यापर्यंत प्रकार वाढले आहेत. तसेच हाळदा इथल्या या हाणामारीच्या घटनेचे व्हिडिओ सोशल मीडियावर मोठ्या प्रमाणात व्हायरल झाले आहेत.