नांदेड हिंगोली जिल्ह्याच्या सीमेवर शेतकरी महिला मजुरांना घेऊन जाणारा ट्रॅक्टर विहिरीत कोसळल्याची घटना आज घडली होती. या भीषण अपघातात 7 जणांचा दुर्दैवी मृत्यू झाला. या अपघाताने संपूर्ण महाराष्ट्र हा सुन्न झाला. या अपघातानंतर काही महिलांना सुरक्षित बाहेर काढले. मात्र दुर्घटनेत 7 जणांचा मृत्यू झाला. यावरच मुख्यमंत्री देवेंद्र फडणवीस यांनी प्रतिक्रिया दिली आहे. फडणवीस म्हणाले, नांदेडच्या आसेगावमध्ये जी घटना घडली ती अतिशय दुर्दैवी आहे. ज्या लोकांचा यामध्ये मृत्यू झाला आहे त्यांच्या परिवाराला 5 लाखांची मदत फडणवीस यांनी जाहीर केली आणि असे अपघात पुन्हा होणार नाही या दृष्टीने उपाययोजना करण्याचे आदेश दिले आहे असे फडणवीस म्हणाले.