राज्याचे पावसाळी अधिवेशन सुरू आहे, आज अधिवेशनामध्ये कॉँग्रेसनेते नाना पटोले यांनी उपमुख्यमंत्री अजित पवारांवर निशाणा साधला. अन्न सुरक्षा योजनेच्या माध्यमातून पुरवठा करण्यात येणाऱ्या तांदळाबाबत विधानसभेत नाना पटोले यांनी मंत्री छगन भुजबळ यांची कोंडी करण्याचा प्रयत्न केला. गडचिरोली जिल्ह्यातील तांदूळ पुरवठ्याबाबत हिवाळी अधिवेशनात अजित दादांनी आपल्या दालनात बैठक लावण्याचे आश्वासन दिले होते. पण ऐनवेळी त्यांनी बैठक रद्द केली. ती बैठक कोणत्या दलालांसाठी रद्द करण्यात आली, कोणता दलाल त्यावेळी आडवा आला असा घणाघाती आरोप नाना पटोले यांनी केला.