Nana Patole press conference : नाशिकचा भोंदू अशोक खरात याच्या अटकेनंतर काँग्रेस नेते नाना पटोलेंनी राज्य सरकारवर अत्यंत गंभीर आणि खळबळजनक आरोप केले आहेत. या प्रकरणात सरकारमधील चार बड्या मंत्र्यांचा सहभाग असल्याचा दावा केला आहे. नाना पटोले यांच्या या विधानामुळे राजकीय वर्तुळात मोठी खळबळ उडाली आहे.

ज्याप्रमाणे एपस्टीनचा मृत्यू झाला, त्याचप्रमाणे अशोक खरातलाही माहिती बाहेर येऊ नये म्हणून मारले जाईल, अशी भीती नाना पटोले यांनी व्यक्त केली आहे. या प्रकरणाचा तपास केल्यास सरकारमधील चार मंत्री यात अडकतील, असेही ते म्हणाले. लवकरच या मंत्र्यांची नावे पत्राद्वारे मुख्यमंत्र्यांना कळवणार असल्याचे त्यांनी स्पष्ट केले. दोषी आढळणाऱ्या चारही मंत्र्यांची मंत्रिमंडळातून तात्काळ हकालपट्टी करावी, अशी मागणी त्यांनी केली आहे.