राहुल गांधी यांच्या आरक्षणावरच्या वक्तव्यावरून भाजप आक्रमक भूमिका घेताना दिसत आहे. तर दुसरीकडे महाविकास आघाडीकडून राहुल गांधींची पाठराखण करण्यात येत आहे. राहुल गांधी यांनी 50 टक्केची मर्यादा नको, असं सांगितल्याचं प्रदेश अध्यक्ष नाना पटोले यांनी म्हंटल आहे. तर संजय राऊत यांनी देखील, ' विरोधकांकडून तोडून फोडून वक्तव्य जनतेसमोर आणल्याचं म्हंटल आहे.

राहुल गांधी अमेरिकेच्या दौऱ्यावर असताना एक कार्यक्रमात त्यांनी भारतातील आरक्षणाच्या मुद्द्यावर भाष्य केलं आहे. यात त्यांनी देशातील आरक्षण काढून टाकावं असं म्हंटल असल्याचा आरोप भाजपने केला आहे. त्यामुळे भाजपकडून सध्या देशभरात राहुल गांधी यांच्या विरोधात आंदोलन देखील करण्यात येत आहे. मात्र दुसरीकडे महाविकास आघाडीच्या नेत्यांकडून राहुल गांधी यांच्या वक्तव्याची पाठराखण केली जात असल्याच दिसून आलं आहे. नाना पटोले यांनी यावर बोलताना, ''आपल्या देशात अजून ही समानता आली नाही, त्यामुळे आरक्षण संपायचं कारण नाही. 50 टक्क्यांची मर्यादा ओलांडली गेली पाहिजे.'' ही भूमिका राहुल गांधींनी मांडल्याचं म्हंटल आहे. तर ठाकरे गटाचे नेते संजय राऊत यांनी देखील, राहुल गांधी जे बोलले ते वक्तव्य विरोधक तोडून फोडून चुकीच्या पद्धतीने जनतेसमोर आणत असल्याचं म्हंटल आहे.