आगामी विधानसभा निवडणुकीत महाविकास आघाडीत 38 जागांवर मैत्रीपूर्ण लढत होण्याची शक्यता आहे. जवळपास 250 जागांवर मविआमध्ये एकमत झालं आहे. यापार्श्वभूमीवर महाविकास आघाडीत गेल्या दोन दिवसांपासून बैठक सुरू आहे. मंगळवारी देखील एक बैठक सर्व नेत्यांमध्ये झाली आहे. त्यानंतर आता कोणाला उमेदवारी मिळणार याकडे सगळ्यांचं लक्ष लागलं आहे.

विधानसभा निवडणुकांचं बीगुल थोड्याच दिवसांत वाजणार आहे. त्यानंतर आता सगळ्यापक्षांकडून तयारी केली जात असताना जागावाटपावर तोडगा काढण्यासाठी प्रयत्न करण्यात येत आहेत. महाविकास आघाडीमधील तिन्ही पक्षांकडून देखील जागावाटपाचा तिढा सोडवण्यासाठी पक्षश्रेष्ठींकडून प्रयत्न सुरू आहेत. त्यासाठी अनेक दिवसांपासून पक्षांतर्गत बैठका, खालबतं सुरू असल्याचं दिसलं आहे. आता मविआमध्ये 250 जागांवर एकमत झालं असल्याचं सांगण्यात येत आहे. तर 38 जागांवर मैत्रीपूर्ण लढत दिली जाईल असं देखील सूत्रांकडून सांगण्यात आलं आहे. त्यानंतर आता उमेदवारी कोणाकोणाला दिली जाईल याकडे सगळ्यांचं लक्ष लागलं आहे.