मुंबईतील वरळी विधानसभा मतदारसंघाचे मविआ शिवसेना उबाठाचे उमेदवार आदित्य ठाकरे यांनी आज आपला प्रचार करत नागरिकांच्या भेटीगाठी घेतल्या. वरळीमध्ये आम्ही केलेलं काम बोलेल. वरळीतील जनता यांच्या पाठीशी आहे. असं त्यांनी यावेळी बोलताना म्हंटलं आहे. पंतप्रधान मोदींच्या एक है तो सेफ है या नाऱ्यावर देखील यावेळी त्यांनी टीका केली, आमच्याकडून एअर बसचा प्लान घेऊन गेले आणि तिकडे वडोद्यात तोच प्लान वापरुन त्याचा रोड शो मोदींनी यांच्या जखमेवर मीठ चोळण्यासाठी काढला का? असा सवाल देखील यावेळी त्यांनी उपस्थित केला.

विधानसभा निवडणुकीची रणधुमाळी गाजत असून आता प्रचार सभा, रॅली आणि गाठीभेटींना जोर आला आहे. आज वरळी विधानसभा मतदारसंघाचे मविआचे उमेदवार आदित्य ठाकरे यांनी मतदारसंघातील नागरिकांच्या भेटी घेत, त्यांच्याशी संवाद साधला आहे. वरळीत आम्ही काम केलं आहे, विकास केला आहे. इथली जनता आम्हाला साथ देईल असा विश्वास आदित्य ठाकरे यांनी यावेळी बोलताना व्यक्त केला आहे.

Edited By Rakhi Rajput